No día de hoxe, ás 11 da mañá, un andamio das obras de acondicionamento do Edificio Administrativo de Monelos da Xunta, na Coruña, cedeu polo exceso de peso do material colocado enrriba del, arrastrando a un traballador da obra. O ferido foi evacuado en ambulancia, descoñecéndose o alcance das lesións (probablemente algunha fractura nun pómulo, nun brazo e na cadeira), e estaba conscente.
Para a CGT, a Xunta de Galicia non pode eludir a reponsabilidade que ten na vixilancia das medidas de seguridade das obras que contrata, así como do encadenamento de subcontratas que se están a producir nestas obras. Solidarizámonos co traballador, cos seus compañeiros, familia e amigos, e exisimos que se establezan as responsabilidades mediante as investigacións que fagan falta.
24 de setembro de 2007
20 de setembro de 2007
EN MATERIA DE FUNCIÓN PÚBLICA, CAMBIAMO-LO PESCOZO POLO CU
Estase negociando a promoción interna dos grupos A, B e D e as previsións non poden ser máis nefastas para o funcionariado. Tal e como fixeron co grupo C, o baremo dos méritos é calquera cousa menos xusto: a puntuación concedida ós que teñen o máximo grao consolidado (xa sabedes, libres designacións e similares) é equivalente a case 30 anos de servizos como posto base (os sen padriño e desafortunados); Concédense puntos por ter permisos de paternidade e similares (iso que é? mérito ou capacidade?), producindo unha discriminación evidente no dereito á promoción, etc. Está claro: para o persoal ó servizo da Xunta de Galicia, a entrada do PSOE-BNG non supuxo mellora ningunha nas condicións de acceso nin de traballo. Como non nos movamos, estamos aviados.
Podedes consultar os borradores nas seguintes ligazóns:
Podedes consultar os borradores nas seguintes ligazóns:
12 de setembro de 2007
CONVOCADAS PRAZAS DO GRUPO C POR PROMOCIÓN INTERNA
No DOG de hoxe, 12 de setembro, foi publicada a convocatoria de 131 prazas (9 delas para persoas con discapacidade) de funcionarios do grupo C (administrativos) polo sistema de concurso-oposición.
Hai novidades tanto na valoración de méritos como nas probas que hai que superar, así que hai que ler as bases con atención.
O prazo de presentación de instancias remata o día 2 de outubro. Esperemos que os exames non se fagan en xaneiro de 2009, como ten por costume Función Pública, senón que sexan nun prazo razoable.
Hai novidades tanto na valoración de méritos como nas probas que hai que superar, así que hai que ler as bases con atención.
O prazo de presentación de instancias remata o día 2 de outubro. Esperemos que os exames non se fagan en xaneiro de 2009, como ten por costume Función Pública, senón que sexan nun prazo razoable.
4 de setembro de 2007
A CGT SOLICITA AO DEFENSOR DEL PUEBLO QUE INTERPOÑA RECURSO DE INCONSTITUCIONALIDADE CONTRA A LEI DA FUNCIÓN PÚBLICA DE GALICIA
NOTA DE PRENSA: O pasado 29 de agosto a Confederación Xeral do Traballo (CGT) presentou unha solicitude na oficina do Defensor del Pueblo para que este, no exercicio das súas atribucións, interpoña un recurso de inconstitucionalidade contra a Lei da Función Pública de Galicia publicada o 27 de agosto pasado, concretamente contra a súa disposición adicional 17ª que establece un complemento retributivo para todos os altos cargos da administración galega dende 1981.
A citada Disposición Adicional 17ª supón na práctica un trato de privilexio a uns determinados funcionarios, trato que é contrario a principios básicos constitucionais e, ademais, resulta agravado por canto a razón do mesmo está en ter ocupado un posto de designación directa ou de libre designación, isto é, non sometido estrictamente aos principios de igualdade, mérito e capacidade.
Ao mesmo tempo esta disposición adicional supón o incumprimento do acordo retributivo para os anos 2006-2009 asinado polo Conselleiro da Presidencia e os sindicatos máis representativos, onde se fixan os incrementos salariais para todos os funcionarios da Xunta de Galicia sen excepción ningunha. Pero non so isto, senón que vulnera dun xeito flagrante o Estatuto Básico do Empregado Público (Lei 7/2007 de 12 de abril) de recente aprovación polo parlamento español, concretamente os seus artigos 31, 33 e 37onde se establece o dereito á negociación colectiva dos empregados públicos, os principios que ven rexer esta negociación e a obrigatoriedade desta negociación en materias retributivas. A aprobación desta disposición tamén vulnera o artigo 24 do Estatuto Básico, onde se establecen os criterios que deben cumprir tanto a contía como a estrutura das retribucións complementarias (o complemento da a Disposición Adicional 17ª concede aos altos cargos ten a consideración de retribución complementaria). Ningún destes criterios ampara o disposto na disposición adicional 17ª polo que a súa aplicación supón un agravio para o resto dos traballadores da función pública que verán como compañeiros que, co único mérito de ter estado nun cargo de contido político, alcanzarán o máximo de retribucións (en ocasións, superiores ás que polo seu grupo lles puideran corresponder) que o resto non poderá conseguir, aínda que sexa cunha carreira administrativa afortunada e de moitos anos de servizo.
Por estes motivos, dende a CGT, confiamos que o Defensor del Pueblo interpoña o recurso de inconstitucionalidade que lle solicitamos para que deste xeito se anule unha disposición adicional que dende a súa aprobación só ven causando polémicas e malestar entre todos os empregados públicos da Xunta de Galicia.
A citada Disposición Adicional 17ª supón na práctica un trato de privilexio a uns determinados funcionarios, trato que é contrario a principios básicos constitucionais e, ademais, resulta agravado por canto a razón do mesmo está en ter ocupado un posto de designación directa ou de libre designación, isto é, non sometido estrictamente aos principios de igualdade, mérito e capacidade.
Ao mesmo tempo esta disposición adicional supón o incumprimento do acordo retributivo para os anos 2006-2009 asinado polo Conselleiro da Presidencia e os sindicatos máis representativos, onde se fixan os incrementos salariais para todos os funcionarios da Xunta de Galicia sen excepción ningunha. Pero non so isto, senón que vulnera dun xeito flagrante o Estatuto Básico do Empregado Público (Lei 7/2007 de 12 de abril) de recente aprovación polo parlamento español, concretamente os seus artigos 31, 33 e 37onde se establece o dereito á negociación colectiva dos empregados públicos, os principios que ven rexer esta negociación e a obrigatoriedade desta negociación en materias retributivas. A aprobación desta disposición tamén vulnera o artigo 24 do Estatuto Básico, onde se establecen os criterios que deben cumprir tanto a contía como a estrutura das retribucións complementarias (o complemento da a Disposición Adicional 17ª concede aos altos cargos ten a consideración de retribución complementaria). Ningún destes criterios ampara o disposto na disposición adicional 17ª polo que a súa aplicación supón un agravio para o resto dos traballadores da función pública que verán como compañeiros que, co único mérito de ter estado nun cargo de contido político, alcanzarán o máximo de retribucións (en ocasións, superiores ás que polo seu grupo lles puideran corresponder) que o resto non poderá conseguir, aínda que sexa cunha carreira administrativa afortunada e de moitos anos de servizo.
Por estes motivos, dende a CGT, confiamos que o Defensor del Pueblo interpoña o recurso de inconstitucionalidade que lle solicitamos para que deste xeito se anule unha disposición adicional que dende a súa aprobación só ven causando polémicas e malestar entre todos os empregados públicos da Xunta de Galicia.
27 de agosto de 2007
PUBLICADA A MODIFICACIÓN DA LEI DA FUNCIÓN PÚBLICA DE GALICIA
No DOG de hoxe sae pblicada a Lei 13/2007, de modificación da Lei 4/1988, de función pública de Galicia. No preámbulo deste disparate lexislativo, totalmente inútil agás para os altos cargos da Xunta, di que "a garantía dos principios constitucionais de acceso ao emprego público é un obxectivo irrenunciable na nosa sociedade democrática". Sería para rir, se non fose para chorar. No mesmo prámbulo tamén expón que "a racionalización e a modernización do emprego público son, sen dúbida, unha necesidade para facer efectivo o dereito a unha «boa administración» dos asuntos públicos, ao servizo dos cidadáns edas cidadás nunha sociedade democrática avanzada".
A continuación explica as modificacións que se inclúen na Lei, a excepción dunha célebre disposición adicional, da que se limita a dicir "Así mesmo, créase unha nova disposición adicional décimo sétima". Supoñemos que a vergoña non lles permitiu escribir ós lexisladores do PP-PSOE-BNG nin unha verba máis sobre o asunto.
A Lei entrará en vigor o 16 de setembro e nace morta. Tan morta nace que se creará unha comisión no Parlamento para adaptala, nun prazo de quince meses, á Lei Básica do Empregado Público, en vigor desde maio pasado. O único que está vivo é a disposición adicional 17, que lle garante ós altos cargos da Xunta un complemento de destino de director xeral durante toda a súa vida como funcionario. A CGT intentará parar a aplicación desta disposición e ten os seus servizos xurídicos estudando como meterlle o dente.
A continuación explica as modificacións que se inclúen na Lei, a excepción dunha célebre disposición adicional, da que se limita a dicir "Así mesmo, créase unha nova disposición adicional décimo sétima". Supoñemos que a vergoña non lles permitiu escribir ós lexisladores do PP-PSOE-BNG nin unha verba máis sobre o asunto.
A Lei entrará en vigor o 16 de setembro e nace morta. Tan morta nace que se creará unha comisión no Parlamento para adaptala, nun prazo de quince meses, á Lei Básica do Empregado Público, en vigor desde maio pasado. O único que está vivo é a disposición adicional 17, que lle garante ós altos cargos da Xunta un complemento de destino de director xeral durante toda a súa vida como funcionario. A CGT intentará parar a aplicación desta disposición e ten os seus servizos xurídicos estudando como meterlle o dente.
24 de agosto de 2007
BARRA LIBRE NO SERGAS
Hoxe, 24 de agosto, publícanse no DOG, varias disposicións polas que se integra no Sergas ó persoal de diversas fundacións sanitarias: Instituto Galego de Oftalmoloxía, Hospital de Verín, Hospital do Barbanza, Hospital Virxe da Xunqueira e Hospital Comarcal do Salnés. Segundo as ditas disposicións, o persoal destas fundacións poderá, mediante unha solicitude, integrarse no persoal estatutario ou laboral correspondente. Así, grazas á política sanitaria do PP, inventando os chiringuitos fundacionais, e a política de persoal do PSOE-BNG, obviando os principios de igualdade (que pasa co persoal que está no paro?), mérito (todos teñen o mesmo padriño?) e capacidade (e as probas selectivas?), seguen incrementándose os cadros de persoal de xeito irregular.
Non temos nada en contra de que o persoal se busque a vida, pero sí a temos de que haxa persoas que se vexan favorecidas con respecto a outras pola simple razón de ter amigos ou coñecidos ou sexan simpatizantes políticos dalgunha das oligarquías dominantes. Se algún traballador público queda que confie neste goberno autonómico, terémolo que mandar a revisión, que algo ten.
Non temos nada en contra de que o persoal se busque a vida, pero sí a temos de que haxa persoas que se vexan favorecidas con respecto a outras pola simple razón de ter amigos ou coñecidos ou sexan simpatizantes políticos dalgunha das oligarquías dominantes. Se algún traballador público queda que confie neste goberno autonómico, terémolo que mandar a revisión, que algo ten.
8 de agosto de 2007
UNHA XUBILACIÓN DOURADA PARA OS EX PRESIDENTES DA XUNTA
No DOG de hoxe, día 8, saíu publicada a Lei que modifica a Lei do Consello Consultivo de Galicia. Este Consello, organismo inútil entre os inútiles, está composto, entre outros, polos ex presidentes da Xunta (a lei fala tamén das ex presidentas, pero xa sabemos que estamos condenados a aturar estes disparates linguísticos en ben da corrección política). Albor, Laxe, Fraga e Touriño (cando cese) poderán estar neste consello ata doce anos con soldo a cargo da Xunta de Galicia, con honras e precedencias protocolarias e, por outros catro anos máis (ampliables) terán dereito ós medios e servizos que se establezan por decreto da Xunta. É dicir, que mamarán das ubres do estado ata a fin. Quen llo ía dicir a algún destes!
3 de agosto de 2007
OUTRO PARCHE NA FUNCIÓN PÚBLICA; E VAN...
No DOG de hoxe, 3 de agosto, publícase unha Orde pola que "se constitúe a comisión para o estudo e preparación da Lei da función pública de Galicia". Nesta Orde fálase de que a "recente publicación da Lei 7/2007, do 12 de abril, do Estatuto básico do empregado público establece un novo marco básico..." Así que, por arte de birlibirloque, o goberno galego decátase de que a modificación da Lei da función pública de Galicia aprobada recentemente xa naceu morta, agás, claro está, das disposicións que conceden ós altos cargos prebendas para toda a vida. A comisión ten como obxectivo a elaboración, nun prazo de sete meses, dun informe proposta sobre a futura Lei da función pública de Galicia. ¡Será por leis!
Subscribirse a:
Publicacións (Atom)
Confederación Xeral do Traballo
