Cursos de galego

O DOG de hoxe publica unha orde pola que se convocan cursos (medio e superior) de linguaxe administrativa galega para persoal das administracións e cursos abertos preparatorios para obtención do certificado Celga.
As solicitudes poden presentarse picando nesta ligazón, así como cubrindo o impreso correspondente. Os prazos será desde o día seguinte da publicación ata o 10 de setembro, no caso da de linguaxe administrativa, e ata cinco días antes do comezo da realización do curso, no caso dos Celga.

Medicamentazo habemus

O Ministerio de Sanidade (tamén se chama de Servicios Sociais e de Igualdade, pero parece unha broma), publicou hoxe no BOE unha resolución eliminando máis de 400 medicamentos da Seguridade Social. A maioría destes fármacos son eliminados por "estar indicado en tratamiento de síntomas menores". É dicir, que de agora en diante, os catarros e os dolores musculares debemos curalos con coñac, leite e fregas, dado que haberá que pagar polos medicamentos que os alivian.

A canalla do BCE, contra os máis débiles

O Banco Central Europeo, como fiel lacaio dos seus amos capitalistas, ven de facer unha serie de recomendacións para os países con dificultades económicas e altas taxas de paro, como son España e Grecia.
Propoñen estes boitres, entre outras cousas, o seguinte:

• Reducir os costes laborais
• Flexibilizar a fixación de salarios
• Diminuir a proteción legal do emprego
• Non vencellar os salarios ao coste de vida
• Reducir os salarios mínimos
• Fixar os salarios empresa pro empresa

Como vedes, un panorama aterrador para os traballadores españois. E ahí estamos todos, os empregados públicos e os das empresas privadas.

Festas laborais propias de Galicia para 2013

NO DOG de hoxe publícase o Decreto que establece as festas de Galicia do calendario laboral do próximo ano 2013. Facéndoo cada vez máis complicado, no calendario só aparecen as festas propias de Galicia, e hai que esperar a que o Estado publique o resto. As festas propias son: Día das letras galegas (17 de maio), san Xoán (24 de xuño) e o Santiago (25 de xullo).

A CGT acorda un calendario de mobilizacións, sen treguas nin distraccións

O Comité Confederal da CGT, reunido en Plenaria, ven de acordar o seguinte:

La Confederación General del Trabajo (CGT), tras analizar la dramática situación de recortes y reformas a la que está siendo sometida la mayoría de la población, entiende que la mejor herramienta que le queda a las y los trabajadores y clases populares es la movilización permanente, la lucha por sus derechos y libertades, la Huelga General.

Sin dilaciones, ni treguas, ni distracciones, ni instrumentos desmovilizadores, ni pacto social, ni burocracias, ni referéndum, ni Consulta Popular... en consecuencia:

-CGT no firmará la Declaración de la “Cumbre Social” del pasado 25 de Julio auspiciada por CCOO – UGT.

A supresión da paga extra de decembro, no DOG

O DOG de hoxe publica a Lei pola que se elimina a paga de Nadal deste ano, segundo o acordara, no seu momento, o goberno de Rajoy. Segundo a Lei, poderase negociar colectivamente que a dedución se faga rateada entre os meses que restan ata fin de ano e ademáis que as cantidades deducidas "serán obxecto de recuperación en exercicios futuros", aínda que non sabemos se será no ano 2013 ou no ano 2113.

Despedimentos colectivos do persoal laboral

Tal como se prevía no decreto de recortes, o goberno está preparando outro decreto que regulará os despediemntos colectivos do persoal laboral a través de Expedientes de Regulación de Emprego. As causas oficiais son as mesmas que a do resto dos traballadores (económicas, técnicas, organizativas ou de produción), pero o sistema é unha burla aos traballadores; faise da forma seguinte:

• a) Baixase o presuposto dun organismo.
• b) Xustifícase o despedimento do persoal porque non hai cartos suficientes.
• c) A Administración, convertida en xuíz e parte, aproba os despedimentos.

Temos pois unha gravísima agresión ás portas, que poden supoñer a antesala do que lle poden facer nun futuro próximo ao resto do persoal, incluídos os funcionarios de carreira. Non podemos estar mirando como nos caen as pedras do ceo sen responder axeitadamente.
Máis información, picando aquí.

O Parlamento galego, ás carreiras

Nun Consello de Goberno da Xunta celebrado de maneira urxente onte, decidiuse que hoxe habería unha sesión extraordinaria no Parlamento Galego para debater, e aprobar, a Proposta de tramitación polo procedemento de lectura única do Proxecto de lei de adaptación das disposicións básicas do Real decreto lei 20/2012, do 13 de xullo, de medidas para garantir a estabilidade orzamentaria e de fomento da competitividade en materia de emprego público, e se é o caso, debate e votación deste proxecto de lei.