O borrador da Orde que regula a
xornada laboral e o teletraballo contén algunhas novidades sobre o proxecto inicial, das que salientamos as seguintes:
- O teletraballo será compatible co horario flexible.
- Os horarios distintos do xeral e o flexible constarán nas RRPPTT cos complementos correspondentes.
- A pausa dentro da xornada laboral será de 30 minutos.
- Garántense, no teletraballo, as condicións en materia de prevención de riscos, de seguridade social, de protección e de confidencialidade de datos.
- O empregado con teletraballo, ademáis do equipo con acceso á rede lector de tarxeta e móbil, será responsable do mantemento e reparación dos equipos, así como das incidencias.
Para a
CGT, os avances son claramente insuficientes sobre o
proxecto inicial, que é manifiestamente mellorable:
- No horario xeral (7:45 a 15:15), debería admitirse unha franxa horaria de compensación,
non só despois da hora, senón tamén antes, para os casos en que se
produzan fichaxes antes do horario establecido.
- No horario flexible por interés particular, o cómputo do horario é semanal, cando na modalidade de conciliación o cómputo é mensual. Non se entende esta discriminación, que supón unha contradición co propio concepto de horario flexible.
- O horario normal debería ser o flexible, e non a excepción. Ante a previsible avalancha de peticións de horario flexible, é posible que moitos teñan que esperar ata os tres meses (ata que se resolva a petición) co horario xeral ríxido sendo o seu traballo totalmente compatible co horario flexible.
Ningún comentario:
Publicar un comentario