Oferta pública de emprego 2019 (ou non?)

O pasado venres, 5 de abril, a Xunta publicou a oferta de emprego do ano 2019. Coma sempre, as ofertas de emprego teñen un compoñente propagandístico xeneroso, que agora imos comentar.
En primeiro lugar, a taxa de reposición da que se parte é totalmente insuficiente, xa que nin siquera se convocarán a totalidade das prazas que quedaron vacantes durante o ano 2018.
A continuación, preséntanse como prazas para convocar unha manchez de prazas de "estabilización" e "consolidación", prazas que xa están ocupadas, polo que en realidade o único que se fai é vestir un santo espindo outro.
O mesmo podemos dicir coas prazas de promoción interna, prazas, que no mellor dos casos, quedarán vacantes ata próximas convocatorias coa taxa de reposición diminuída.
En definitiva, un novo engano para o pobo, ao que se lle di que se incrementa o persoal, cando é xunsto o contrario: menos xente e maior deterioramento dos servizos públicos.

Procesos selectivos

No DOG de hoxe publícanse varios procesos selectivos:

• Xestión da Administración da Xunta (A2), escala técnica de finanzas
• Corpo Superior da Administración da Xunta (A1), escala superior de finanzas
• Corpo Superior da Xunta (A1), escala superior de estatísticos
• Corpo Superior da Xunta (A1), escala superior de estatísticos (proceso de consolidación)
• Corpo Facultativo do Grado Medio (A2), escala de enxeñeiros técnicos agrícolas (proceso de consolidación)
• Corpo de Axudantes Facultativos da Xunta (C1), escala de deliniantes
• Escala de Axentes Medioambientais da Xunta (C1) (proceso de integración)

Integración do persoal das fundacións de desenvolvemento comarcal

Publica o DOG de hoxe a resolución da Consellería de Medio Rural pola que se fixa un prazo de 7 días (ata o día 13 de xuño) para que este persoal presente a solicitude de integración correspondente, segundo o aprobado no seu momento na Lei de acompañamento.