XA ESTÁN DISPONIBLES OS LISTADOS DE ADMITIDOS E EXCLUÍDOS NO CONCURSO DE TRASLADOS

Os listados de admitidos e excluídos no concurso de traslados de funcionarios xa están dispoñibles na páxina web da Xunta de Galicia.

Podedes comprobar a vosa situación na ligazón http://xunta.es/emprego-publico/.

MÁIS PRIVILEXIOS PARA OS EX-PRESIDENTES

No DOG de hoxe sae publicado un decreto da Xunta que establece as percepcións, medios, recursos e precedencias protocolarias para os ex-presidentes da Comunidade Autónoma de Galicia. Ademáis do 60 % das retribucións do presidente en activo, terán dereito a persoal, a coche, a outras axudas e se indica cal e o orde protocolario en actos oficiais. Dirase que son poucos cartos, pero a maioría de nós non os gañamos tódolos días, aínda traballando.

CACHARON Ó CSIF COAS MANS NA MASA

Non fan falla máis palabras que a lectura desta noticia:

"CSIF afronta la mayor condena firme por subcontratación irregular de cursos y el TSJ le obliga a devolver los fondos".

A formación é un negocio e debe ser retirada das mans dos sindicatos, xa!

PROMOCIÓN INTERNA PARA OS GRUPOS A, B, e D

No DOG de hoxe, día 8, publícanse as Ordes de convocatoria das probas selectivas para a promoción interna dos grupos A, B, e D. As prazas convocadas son:

Grupo A 28 prazas (2 para persoas con discapacidade)
Grupo B 19 prazas (2 para persoas con discapacidade)
Grupo D 120 prazas (9 para persoas con discapacidade)

Seguen sen tomar en consideración reivindicacións básicas para os funcionarios como son a posibilidade de reconvertir o posto para quedar nel tras aprobar (como se fai en outras administracións) ou poder concursar desde grupos non inmediatamente inferiores.

O prazo de presentación de instancias (siguen cobrando por elas) remata o 29 de outubro.

ACCIÓN SOCIAL 2006, XA ERA HORA!

No DOG de hoxe, día 5, publícase a resolución e as listas definitivas do Fondo de Acción Social do ano 2006. As prestacións corresponden a axudas por xubilación, discapacitados, fillos menores, maiores a cargo, estudos de fillos e do traballador, vivenda e gastos sanitarios. Pódese presentar un
recurso de alzada perante o conselleiro de Presidencia ata o 5 de novembro.

ACCIDENTE NO EDIFICIO ADMINISTRATIVO DE MONELOS

No día de hoxe, ás 11 da mañá, un andamio das obras de acondicionamento do Edificio Administrativo de Monelos da Xunta, na Coruña, cedeu polo exceso de peso do material colocado enrriba del, arrastrando a un traballador da obra. O ferido foi evacuado en ambulancia, descoñecéndose o alcance das lesións (probablemente algunha fractura nun pómulo, nun brazo e na cadeira), e estaba conscente.

Para a CGT, a Xunta de Galicia non pode eludir a reponsabilidade que ten na vixilancia das medidas de seguridade das obras que contrata, así como do encadenamento de subcontratas que se están a producir nestas obras. Solidarizámonos co traballador, cos seus compañeiros, familia e amigos, e exisimos que se establezan as responsabilidades mediante as investigacións que fagan falta.

EN MATERIA DE FUNCIÓN PÚBLICA, CAMBIAMO-LO PESCOZO POLO CU

Estase negociando a promoción interna dos grupos A, B e D e as previsións non poden ser máis nefastas para o funcionariado. Tal e como fixeron co grupo C, o baremo dos méritos é calquera cousa menos xusto: a puntuación concedida ós que teñen o máximo grao consolidado (xa sabedes, libres designacións e similares) é equivalente a case 30 anos de servizos como posto base (os sen padriño e desafortunados); Concédense puntos por ter permisos de paternidade e similares (iso que é? mérito ou capacidade?), producindo unha discriminación evidente no dereito á promoción, etc. Está claro: para o persoal ó servizo da Xunta de Galicia, a entrada do PSOE-BNG non supuxo mellora ningunha nas condicións de acceso nin de traballo. Como non nos movamos, estamos aviados.

Podedes consultar os borradores nas seguintes ligazóns:

• Convocatoria grupo A PI
• Convocatoria grupo B PI
• Convocatoria grupo D PI

CONVOCADAS PRAZAS DO GRUPO C POR PROMOCIÓN INTERNA

No DOG de hoxe, 12 de setembro, foi publicada a convocatoria de 131 prazas (9 delas para persoas con discapacidade) de funcionarios do grupo C (administrativos) polo sistema de concurso-oposición.

Hai novidades tanto na valoración de méritos como nas probas que hai que superar, así que hai que ler as bases con atención.

O prazo de presentación de instancias remata o día 2 de outubro. Esperemos que os exames non se fagan en xaneiro de 2009, como ten por costume Función Pública, senón que sexan nun prazo razoable.